Gegeen alsad odoh yumsan

Минийх

Өглөө бороо шивэрч байгааг хараад энэ дэлхийг МИНИЙХ гэж хэлмээр санагддаг 
Өөрийгөө би жаргалтай байгааг хараад нарыг МИНИЙХ гэж хэлмээр санагддаг
Өөртөө байгаа бүхнээ МИНИЙХ гэж хэлмээр 
Өөр юу ч байсан хамаагүй МИНИЙХ гэмээр...

Хүний амьдралд дутагдаж гачигдах зүйлгүй ч хамгийн ихээр үгүйлэгддэг зүйл бол сэтгэлийн рашаан юм шиг. Би өөрөө өөрийгөө хаяа зэмлэх юм. Хэн нэгэн хайртай хүнээ гомдоочихоод эргээд уучлаарай гэж хэлдэг хэрнээ тэр үгээ мартчихсан байх жишээтэй. Дахиад л гомдоочихно. Миний магадгүй бодож байгаа шиг тийм 100 хувь хүн хаана байх билээ. Тэгээд өөрөө мэдэж байгаа хэрнээ л нэг л болж өгөхгүй байх хүний энэ араншин уу. 


Миний хань маш сайн хүн. Ханьтайгаа хамт байхдаа жаргалтай байдаг хэрнээ нэг мэдэхэд л гомдоочихсон байдаг юм. Тэгээд л хайрыгаа уучлаарай гээд хөөрхөн гэгч нь гуйна хэсэг хугацааны дараа дахиад л хэхэ. Инээдтэй ч юм шиг.


Хүний амьдрал гэгч тэгээд сонин юм доо. Хамгийн хайртай дотны хүмүүстээ хамгийн муухай аашаа гаргаж чаддаг. Харин миний муухай аашыг тэвчиж байгаа хайртай хүмүүс маань надад хамгийн хэрэгтэй хүмүүс байх юм. 

Хажууд байхад хайртай гэж үг амнаас цөөхөн гардаг хэрнээ ажил дээрээ ирэхээр ч юмуу түр хөндийрөхөөр санаал хайртай гэдгээ мэдрээд сонин мэдрэмж төрөөд байх юм. Тэгээд л зурвасаар эсвэл мессенжерээр хайртай гэдгээ хэлмээр санагдаад хайрын үгсийг хайр найргүй шидэж байна даа. 


Миний хань энэ хорвоогын хамгийн сайхан хань. Хань минь буруу болгоныг хийж байсангүй, бусдын нөхрөөс дандаа илүү байсан гэдэгтэй би хэзээ ч маргахгүй тиймээс МИНИЙХ гэж нэрлэгдсэн ханьдаа хамгаас хайртай. Харин тэр минь надад бусдаас илүү хайртай гэдгийг би мэднэ.

Миний Загаснууд амьд байсан.

Гадаа сайхан байна 
Би бороонд дуртай...

Өнөөдөр миний сэтгэл нэг л сайхан байх шиг. Дурламаар, дуулмаар, алхмаар...

Хамгийн сайхан амьдрал гэж тайван байдлыг л хэлдэг байх тиймүү. Заримдаа бүх зүйлд яарч явсаар байгаад ядардаг болж. Өөрийн мэдэлгүй яарч цаг хугацаанаас өрсөж нэг л их зүйл бүтээчих гээд л үзээд байдаг бололтой. Харин цаг хугацаагаа гүйцдэг  болвуу. 


Магадгүй би өдий насалтлаа юу хийсэн юм бол гээд тооцвол маш урт хугацаанд багахан зүйл амжуулсан мэт гэхдээ өөрийнхөө өнөөгийн байгаа байдалдаа сэтгэл л хангалуун байна даа. 


Магадгүй би энэ олон жилийн нэг жилийг хүмүүст зөвөлгөө сургамжаа хайрлаж өнгөрөөж чадсан байх гэж бодлоо. Сэтгэл санаа муу байгаа найзыгаа ч юмуу, сэтгэлээр унасан дотны магадгүй дотны биш ч байсан хамаагүй нэгнийг сэргээх гэж нилээн хичээдэг. Тиймээс миний амьдарсан бүх жилээс 365 хоног нь тийм зүйлд зарцуулагдсан байх. Тэгэхээр миний орон зайг буян хийсэн өчүүхэн ч хэсэг эзэлж байгаа гэж бодохоор сайхан санагдаж байна. 

Хүн өөрөө хийсэн өчүүхэн ч гэсэн зүйлээ буян гэж үнэхээр итгэж түүгээрээ бахархаж сурах хэрэгтэй юм шигээ. Би өвчтэй хүүхдийн, хүний төлөө банкруу очоод мөнгө шилжүүлэхээс залхуурдаг ч гэсэн мессеж бичээрэй гэсэн дугаарлуу нь нилээн хэд бичиж байсан юм байна. Өрөвдүүлэх гээд нулимсаа унагаж байгаа нэгэндээ өөдөөс нь гар сарвайсан тус ч олон юм байна. Ингээд бодохоор би өчүүхэн ч гэсэн өөртөө бол бахархмаар буян хийгч гэдэгээ мэдэрлээ. 


Эцэст нь миний загаснууд амьд байсан. 6 хоног та нарыгаа хоолгүй орхиод явсан намайгаа уучил гэхдээ миний загаснууд амьд байсан. Надад муу зүйл тохиолдохгүй, миний гэр бүл ямар нэг  хар энергитэй учраагүйн шинж. 


Би маш их азтай бас атаархмаар жаргалтай хүн. Сайхан байнаа...

Бүх хүмүүс жаргалтай байг. 

"МИНИЙ СЭТГЭЛИЙН ИЛГЭЭМЖ" захидлын аяны ахлах насны ангилалын 1-р байрын эзэн.

Нэгэн охиныг хорвоо дээр мэндэлж байхад эгдүүтэй хөөрхөн дөрвөн настай охин хамгийн их баярлаж, өөрийгөө хамгийн сайхан дүүтэй боллоо гэж хөл нь газар хүрэхгүй баярлаж байсан гэдэг. Тэр эгдүүтэй бяцхан охин нэгдүгээр ангид орохдоо ганц эрх дүүд нь өөрөөс нь гоё тууз байдагыг мэдээд, өхөөрдөм дүүгээ үнсэн байж гуйхад нь дүү нь харамлаж байж билээ. Харин эгч нь гомдохын оронд орчлонд хамгийн хөөрхөн гэж боддог дүүгээ үнсчихээд өөрийнхөө туузыг ээжээрээ цэцэглүүлээд гүйсэн.
Дүү нь хөлд орж тэнтэр тунтар гишгэж, мөлхөхөөсөө илүү хамгийн мундаг дүү гэдгээ батлан хурдан хурдан гишиглэсээр хамаагүй эрт хөлд орж гэр бүлийнхэн, ах, эгч нараа баярлуулсан онцгой охин байсан гэдэгсэн. Харин тэр жаргалтай хугацаа удаан үргэлжилсэнгүй. Гэрийнхэнийхээ баяр баясгаланг эвдэж, хөөрхий дүү нь өвчин тусаж, 2 суга таяггүйгээр явж чадахгүй болсонд хорвоог зүхээд яалтай. Хэзээ ч тийм болчихно гэж санаагүй гэрийнхнийгээ зовлонгын хүнд далайруу чулуу дүүжлээд шидчих шиг болгосон. Гэхдээ амьдрал гэгч сайхан юм хойно 2 суга таягтайгаа ч гэсэн хорвоог туулхаар дүү нь чадлаараа зүтгэж, харин түүнийг хөөрхий эгч нь үүрч дүүрч хаашаа л явна тийшээгээ байнга л авч явдаг байлаа. Эгчийгээ явсан газарт дүү нь хүрхийг хичээнэ. Хэдий тийм ч аав ээждээ дүүгээсээ болж зөндөө загнуулна.
Хайртай охиноо эдгээчих санаатай хаана л сайн эмч, домч, бариач байна тийшээ аав, ээж 2 нь аваад л явдаг байлаа. Хүмүүс шиг сайхан амьдралд тэмүүлэхээс илүү хөөрхий охиндоо санаа нь зовсон аав ээж 2 нь магадгүй өөрсдийнхөө наслах наснаас бага насалсан байж магадгүй.
Тэд тэнгэрийн орныг зорихдоо охиндоо сэтгэл хорогдож байсан ч хайртай эгчид нь орхиод явж байхдаа харамсаагүй байхаа. Тэр цагаас эхлэн аав ээжээс өв залгамжилсан эд хөрөнгөгүй ядуу оюутан өөрөө л бусдад юм хийж өгч мөнгө олж, ажиллахын зэрэгцээ, оюутан болж ирсэн суга таягтай дүүгээ хүнээс дутаахгүй гэж өөрөөсөө харамлан бүх л өнгөтэй өөдтэй гэснээ дүүдээ өгдөг байсан.
Эгч нь өдөр шөнөгүй ажиллаж харанхуйд ганцаараа Зайсангын гудамжаар дүүдээ сайхан болгоныг аваад оюутны байрыг зорин дөрвөн жил алхахдаа даарч, айж байвч дүүгээ гэсэн сэтгэл нь дэндүү халуухан байсан санагддаг.
Тиймдээ ч дүү нь хэнд ч муугаараа дуудуулахгүй өөртөө итгэлтэй байж эзэмшсэн мэргэжилдээ өөрийгөө дайчлан 4 жил тэтэглэгээр суралцаж, бас дахин 2 дахь сургуулийнхаа дипломыг амжилттай авч чадсаан.

Үргэлжилэл нь эндээс 
http://ecomngl.blogspot.com/2011/03/normal-0-false-false-false-en-us-x-none_12.html

Миний цэцэгс Гоо бүсгүйн ертөнц мэт

Өглөө бүр энэ хорвоод хайр байгааг мэдрүүлж ургадаг миний хайртай цэцэгсийн нэг. Бүсгүй хүн хайр байхгүй бол гундуу байх байсан байх. Харин хорвоо дэлхий дээр хайр байгаа болохоор зүрхэн хэлбэртэй навч хүртэл байдаг мэт...

Цэцэгсийн хаан гэгддэг Цахирмаа Эмэгтэй хүний нууцлаг байдал, эхэмсэг шинжийг агуулсан хайр татам цэцэг. 

Хамгийн тансаг цэцэгсийн нэг гоёмсог эмзэг Амариллис. Энийгээ цэцэглэхээр миний хөл газарт хүрэхгүй л баярлана шүү дээ. Сайхны өмнө харц буруугүй гэдэг шиг энэ цэцэг салхи татуулан хажуугаар өнгөрч байгаа үзэсгэлэнт бүсгүйг санагдуулдаг. 

Сайхан дурлам навчтай навчаараа гоёдог миний дэлхий. Ногоон торгомсог палаж өмссөн зэгзгэр бүсгүй өөдөөс минь инээмсэглэх лугаа...

Хайтан ягаан цэцгийн дэлбээнд дурламаар гэгчээр өвөл зунгүй л намайгаа жаргаах гэж амрах завгүй дэлбээгээ нээгээд байгаа жижигхээн хайр. Ажилч бүсгүй шиг... 

 Би бүсгүй хүн хойно баярлаж заримдаа жаахан гуниглаж уйлна. Гэхдээ би ижийгээ санахаар бүр их уйлмаар болдог бас ижийгээ хайрламаар байдаг. Тэр үед энэ цэцгээ харахаар нэг л тийм сайхан санагддаг. 
Гүнжийн нулимс=Би ээжийнхээ гүнж байсаан...

Миний гэр шиг нэг л амар амгалан, тайван, жаргалтай, дулаахан. Миний хайр бас хажууд минь байгаа болоод ийм сайхан жаргалтай байдаг байхаа...

Өнгөлөгхөн толигор цэцэг минь. Өөрийгөө мартчихсан завгүй явж байсан ч цаанаасаа л нэг гэрэлтдэг бүсгүйтэй адилхан цэцэг. 

Халуун орны дал модон дор заан унаж яваа бүсгүй шиг....

Хаяа нэгхэн партиндаа тансаг улаан палажаараа гоёдог даруухан монгол бүсгүй минь хэхэ.

Удахгүй чи минь ирвэл гээд хайртыгаа хайр дүүрэн инээмсэглээд угтах тийм энхрийлэг ягаан цэцэгээ бундуйлж буй Сарнайхан минь....

Хадам ээжийг муу хүн л гээд байдаг. Эмэгтэйчүүд бид өөрсдөө бүгд л хадам ээж болно шүү дээ. Би л лав муу хадам ээж болохгүй ээ. Хадам ээжийг муу гэж харвал муу л харагдана шүү дээ. Тиймээс хадам ээжийн хэлийг энэ урт ургадаг хөөрхөнтэй адилхан зүйрэлсэн байгаа юм даа. Хөөрхөн л байгаа биз дээ хэхэ. Миний ээж л л лав хамгийн сайн хадам ээж байсан гэж би боддог доо. 

100 наслана гээд сунаад байгаа дураараа эмээ шиг санагдаад байгаа юм даа хэхэ. Наслалгүй яахав. Бүсгүйчүүд минь урт удаан насалсан ч гоо үзэсгэлэн, эрчүүдэд хэрэгтэй байдлаа битгий алдаарай даа. 

За хайрандаа мансуурсан Унтаахай хатан орондоо орох шиг л...


Бусад цэцэгсээ дараа үргэлжлүүлье дээ.

Миний мөрөөдөл дандаа биелдэг

Заримдаа гадаа гунигтай байгаа ч миний сэтгэл сайхан байнаа. Заримдаа миний сэтгэл санаа их тавгүйтдэг хэрнээ сүүлийн жилүүдэд овоо сайхан байгаа хэхэ. Зүгээр л сайхан хайр сэтгэлээ мэдэрч амьдарсных юм болвуу даа. Хэзээ ч сайхан хайр байдаггүй гэж итгэдэг хүмүүс байдын яагаад юм бол доо. Харин хайр сэтгэл гэгч мөнхийн байдаг болвуу. Би заримдаа мөнхийн хайр байсан уу гэдэг дээр эргэлздийн тэрнээс хайр сэтгэл бол байлгүй л яахав. Гадаа модод ногоороод л, хүмүсийн хөнгөн шингэн хувцасласныг харахаар сайхан байнаа. Зун цаг ирэхээр зугаалаад л монголынхоо үзэсгэлэнт газруудаар тэнүүчлэхсэн. 


Энэ хүсэл маань биелүүлэгчтэй болсон болохоор сайхан байгаа. Миний хань чинь надад дандаа сайханг мэдрүүлэх гэж хичээдэг болохоор тэрүү саяхан цас хаялсан хаврын сайхан өдөр гэнэт л сэтгэл гэгэлзээд гармаар, дуулмаар хэхэ зугаалмаар санагдаад тэгтэл миний хань хамт зугаалах уу гээд ажлаа орхиод хүрээд ирэхэд маш сайхан санагдаж билээ.

Багадаа мундаг том бие даасан эмэгтэй болно гэж мөрөөддөг байлаа харин тэр үедээ бие даасан эмэгтэй гэж ямар хүн байдгыг ч мэддэггүй байсан болвуу. Гэхдээ л өөрийгөө чадсан гэж боддог. Надад одоо хэрэгтэй гэж бодсон болгон минь байгаа харин тэр хэрэгтэй зүйлүүдээ алдахгүй авч явна гэдэг үнэхээр том хариуцлага байдаг бололтой.  


Оюутан болоод өөрийнхөө хичээл номыг сайн эзэмшихсэн гэж мөрөөддөг байсан харин тэр үед өөрийгөө эмэгтэй гэдгийг нилээн сайн мэдэрсэн үе минь юм болвуу тиймээс сайхан хайрыг хүсэж эхэлсэн. Оюутан байхдаа хамгийн их хүсэж байсан залуутайгаа биш ч гэсэн ямартаа ч мөрөөдөлдөө хүрч сайхан хайрыг мэдэрсэн. Тэр үед өөрөө өөрийгөө хэтэрхий бардам үнэлж, бас бүгдийг авна гэж дэндүү их мунхаглаж байснаас 10 жилийн талыг хамтдаа туулсны дараа тэр хайрыг мартахад хүрсэн.


Оюутан насны дараа өөрийгөө таниулж ажлын талбарт хүч сорьж, цаг хугацааг ардаа орхин зүтгэж байвч, бусдын тэнэглэл надад маш ихээр дарамт шахалт болдог байлаа. Яагаад ч юм бүсгүй хүний сайн муу, сайхан муухайг заавал мэдэрдэг хорвоогын жам ч байсан юм билүү хэн мэдлээ. Сайхан байж болохгүй садар явдалд уруу татах гээд, өөртөө арчаагүй муухай явж болохгүй муу хэлүүлж газар дор орчих гээд үнэхээр л дарамттай шүү ай хорвоо гэж. 


Гэхдээ би өөрийгөө залж жолоодох агуу ухааныг өвлүүлсэн аав, ээждээ баярлахаас яахав дээ. Бүхнийг давж гарч, ухаангүй мунхаглалтай захирлуудын унтдаг бүсгүй гэж хэлүүлэлгүй өөрийгөө авч явсандаа үнэхээр бардам санагддаг байж билээ.

За ингээд л дараагын амьдрал минь миний өмнө гарч ирсэн дээ. Хайртай хүнтэйгээ хамт байна гэдэг юутай ч зүйрлэмгүй жаргал...Би одоо жаргалтай байгаа ДЭНДҮҮ ИХ.. 


Тэр хайр бүтээгүйг энэ л хүнтэй учрахдаа ойлгосон юм даа. ''Тиймээ чамд үүнээс илүү боломж байгаа. Чи хүлээж бай'' гэж бурхан надад аяархан хэлсэн байх л даа харин би тэр үед уйлж гомдоод ч юмуу сонсоогүй өнгөрсөн байж. Харин одоо ойлгосон болохоор бидэнд боломж дандаа гарч ирдэг, тиймээс байгаа бүхнээ боломж гэж харж сур гэж хэлмээр санагддын. 


Хүн сайн сайхныг л хүсдэг гэхдээ тэр хүслээ өөрөө эргээгээд нураачдаг нь жаахан тиймэрхүү. 


Би энэ бүхнийг хүсч байсаан. Багаасаа л мөрөөдөж байсан бүх хүслүүд минь гэхдээ замын дунд шантрах зүйлс гарч ирэхээр битгий шантарч зогсоорой Тэр зогсоолыг боломж гээд л харчих тэгээд тэр боломжийг яаж өөртөө ашигтайгаар ашиглаж болох талаар нэг бодоорой.

Зүрх сэтгэлийн өргөн чөлөөгөөр минь тавтай морил

Миний байгаа орон зай өөрөө философи санагддаг. Магадгүй та намайг яагаад ч юм танихгүй хэрнээ таньдаг юм шиг санагддаг уу? Энэ чинь л философи.
Хайр дурлал гэдэг хүнийг ямар болгодог юм гэдгийг одоо л ойлгож байх шиг. Харин миний сэтгэл санаа сайхан байгаа болохоор би жаргалтай бичээд байж магадгүй юм.
Гэхдээ эмэгтэй хүн гэдэг өөрийнхөө байгаа орчиноо өөрөө бий болгодог гэвэл та итгэх үү? Магадгүй та өөрийгөө хамгийн азгүй нэгэн гэж бодчихсон ч байж магадгүй юм. Гэхдээ тийм биш шүү дээ. Тэр бодлыг таньд юу төрүүлээд байгааг нэг сайн бодоорой. Магадгүй та тэр өөрийг чинь гутралд оруулаад байгаа жижиг магадгүй танийхаар том байж болох шалтгаан маань БОЛОМЖ ч байсан юм билүү. Гэтэл бид үүнийгээ дандаа сөрөгөөр харсаар байгаад боломжоо зовлон гээд итгэчихсэн байдаг шүү дээ.
Миний хувьд тийм үе байсан бас л олж хардаггүй сохор байсан цаг хугацаа байгаа гэхдээ тэр болгоноо мартаж, өөрчилж чадсанаар өөрийгөө шинэ хүн болгож дахин нээх хэрэгтэй.
Би бүсгүй заяаг их сайхан хувь тавилан гэж боддог юм. Яагаад гэхээр биднийг хүмүүс хайрлаж, бас халамжилж, магадгүй цэцэг өгч, болзоонд урьдаг. Гэтэл эрчүүдийг барагтай тэгдэггүй шүү дээ. Хөөрхий тэр эрчүүдийн хажууд бид хамаагүй жаргалтай байгаа хэрнээ л дахиад л би ийм байсангүй тийм байсангүй гэж гонгинож байгааг харахаар өрөвмөөр санагдавч тийм биш юмаа. Харин ч сул дорой гээд бөөцийлөөд байх тусам бүсгүйчүүд маань бөөцийлүүлсээр байгаад бүүр тасарч унахнээ. Чадалтай байх тусам бид бүхнийг хийж чаднаа гэж итгэдэгийн.
Иймээс өөртөө итгэлтэй чадалтай байгаарай даа БҮСГҮЙЧҮҮД минь.